عظيمة جدا يامدام وفاء

عظيمة قوى يا مدام وفاء

الست دى بجد هزت مشاعرى جدا ،لدرجة ان الدموع فرت من عينى بعد ما سمعت كلامها الرقيق ليا يوم ماكنت باخلى طرفى من اسكندرية.

الناس هاتسأل مين مدام وفاء ؟

دى المدام اللى فى شئون العاملين فى مديرية اسكندرية المسئولة عن تسليم النواب واخلاء طرفهم.

انا ماشفتش الست دى غير مرتين 

الاولى وانا باستلم والتانية وانا باخلى طرف

وبصراحة هى هزت مشاعرى بجد وهى بتعمللى اخلاء الطرف

ودا لانها  ست منظمة جدا ،هادية،صوتها واطى.

كنت روحتلها عشان اخلى طرفى وادتنى ورقة للمستشفى عشان الاخلا ولما رجعت لقيتها محضرة ورقى مش فاضل غير على انى امضيه من المدير واختمه

كل ده عادى ممكن يحصل اللى دهشنى انى لقيتها بابتسامه عريضة ودعتنى وقالتلى هاتوحشينا يا دكتورة ،ماتنسيناش

وصوتها كان كله رقة وحب

يااااااااااااااااه بجد عيونى دمعت وانا باسمعها وانا عند باب المكتب وهى بتقول بعد ماعلت صوتها لا اله الا الله مع السلامة

بجد اثرت فيا قوى خصوصا انى قابلت ناس لاداعى لذكرهم كنت مستنية منهم كلمة مع السلامة وماقالوهاش

فعلا الناس معادن وكل بئر ينضح مما فيه 

وبجد انتى عظيمة قوى  
يامدام وفاء