تحشيشة

دى كلمات جت فى دماغى

بعد ما اسماء صاحبتى نزلت قصيدة لنزار قبانى اسمها دخن
طبعا القصيدة رومانسية هايلة 
وعشان ماليش فالرومانسية

 كان لازم اتريق واقول ........ حشش

مع فائق الاحترام والتقدير لنزار قبانى طبعا

بس القافية تحكم

****

ولع ياحبيبى ونسينى 

احلامى وفرحى وانينى

وفى قلب الغرزة وخبينى 

من كل اللى مطلع عينى

***

ولع يابنى وانسى الدنيا

ماخلاص عارفين انها فانية

كل ما احلامك تمسكها 

تلاقيها كده طايرة فى ثانية

***

حشش يا اخينا ولا يهمك 

لاابوك ولا خالك ولا عمك

بسيجارة واحدة عالماشى 

تنسى اللى مطلع عين امك

***

ولع وتعالى عالقهوة

نشرب حجرين كده على سهوة

ونرص الحجرين بمزاجنا

ونعيش بقى لحظاتنا الحلوة

***

حشش ياحبيبى وعليها

وحياتك قصر لياليها

يعنى هايبقالك مين فيها

غير حبة ناس خافو عليها

***

ولع واحرق فى سنين عمرك

ولاحد هايستعجب امرك

ماهو ايدك هى اللى بتحرق

وقريب راح نسمع خبرك

***

حشش بقى يالا وخلصنا

ماهو واحد مش هاينقصنا

مخاليق فالدنيا كتير عايشة

ومماتك مش هاينغصنا

***

انا قولت كلام كان جوايا

ما اقصدش اضايقك بالمرة

لو وشك شفته فى مرايا

راح تندم ميت مليون مرة

***

وخلاص خلصت انا كلامى

وبإيدك انت زمام امرك

ياهايفلت منك قدامى

ياتفوق وتحافظ على عمرك
بقلم:
ميمو هانم السنجأدار